«Медициналық пойыз» жобасы еліміздің барлық өңірлері бойынша өз сапарын жалғастыруда. Бүгінге дейін пойыз Алматы және Шығыс Қазақстан облыстарының шалғай бекеттерін аралады. Бағдар бойынша келесі Павлодар облысы.  Күн санап тегін медициналық қызмет пен ем алған шалғай станция тұрғындарының саны артуда.

         6 маусым пойыз Шығыс Қазақстан облысының шалғай бекеттерін аралап, 10 күннің ішінде 18 елді мекеннің тұрғындарына медициналық қызмет көрсетті.   Медициналық пойызға барлығы 9692 адам көрінді, 2939 адам толық тексеруден өтті, олардың 455 бала, 309 шағын xирургиялық ота жасалып, 103 – ФГДС процедурасы, 1065 – УДЗ мен 518 – флюорография жасалды. Дәрігерлердің мәліметінше тұрғындар ең көп жүгінген мамандар ол: кардиолог – 1117 адам қаралған, ЛОР – 1146 адамды тексерген, терапевт – 1454 адамды қабылдаған.

        Бүгін, 7 шілде, медициналық пойыз Павлодар облысына аттанады. Онда 10 күннің ішінде 10 елді мекенді аралайтын болады.  Одан кейін пойыз солтүстік, батыс өңірлерге бет алып, сапарын

Оңтүстік Қазақстанда аяқтайды.

        Медициналық пойызда тексерістен еліміздің кез келген тұрғыны өте алады. Пациенттердің ыңғайлығы үшін балаларға арналған ойын алаңдары да қарастырылған.  Медициналық пойыздың тағы бір міндеті – ол ешқандай сырқаты мен денсаулық жағдайына шағымдары жоқ тұрғындарға да диагностика қызметтерін көрсету. Мамандардың айтуы бойынша, көбінесе мұндай диагностикалар ауыр сырқат түрлерін анықтауға себеп болып жатады. 

       Естеріңізге сала кетсек, 29 сәуір Қазақстанда “Медициналық пойыз” жобасы өз жұмысын бастады. Оның мақсаты еліміздің шалғай аудандарын тегін медициналық қызметпен қамтамасыз ету. 

       Жобаны «Самұрық-Қазына» АҚ компаниялар тобының атынан «Samruk-Kazyna Trust» Әлеуметтік жобаларды дамыту қоры ҚР Денсаулық сақтау министрлігінің ат салысуымен жүзеге асырып жатыр.  Медициналық пойыз сапалы медициналық қызмет алуға мүмкіндігі жоқ шалғайдағы бекеттер мен ауыл тұрғындары үшін алғашқы медициналық-санитарлық және консультациялық-диагностикалық көмек көрсететіндігін ерекше атап өткен жөн. Пойыз неміс және жапон өндірісінің алдыңғы қатарлы фирмаларының заманауи диагностикалық құрал-жабдықтарымен жабдықталған. Аппаратуралар пациенттерге қажет болған жағдайда толық жалпы және биохимиялық талдаулар жасауға, ренгенография және флюрографиядан өткізуге, ішкі органдарға және қан тамырларына УДЗ-зерттеулер жүргізуге, электрокардиограмма, гастрофиброскопия жасауға және басқа да диагностикалық зерттеулер жүргізуге мүмкіндік береді.

        Пойыз кестесімен www.medpoezd.kz және www.sk-trust.kz/ru ресми сайттарында таныса аласыз.

Қосымша ақпарат алу үшін келесі байланыс нөміріне хабарласуға болады: PR Менеджер Нұржайнат +7 701 222 39 90, E-mail: prmedpoezd@gmail.com

29 сәуір күні Қазақстанда еліміздің  шалғай аудандарын тегін медициналық көмекпен қамтамасыз ету мақсатында «Медициналық пойыз» жобасы өз жұмысын бастады. Жобаны «Самұрық-Қазына» АҚ компаниялар тобының атынан «Samruk-Kazyna Trust» Әлеуметтік жобаларды дамыту қоры жүзеге асырады.

20 мамыр күні пойыз Алматы облысы бойынша сапарын аяқтап, шалғай орналасқан 21 елді мекеннің тұрғындарына медициналық қызмет көрсетті. Медициналық пойыз дәрігерлеріне барлығы 6904 адам қаралды, 2935 тұрғын тексеруден өтті, 125 жеңіл хирургиялық операция, 104 ФГДС процедурасы мен 795 ультрадыбыстық зерттеу (УЗИ) жүргізіліп, 521 адам флюрографиядан өтті және 2418 лабораториялық зерттеу өткізілді.  

Айта кететін бір жайт, медициналық пойыз көмегіне еліміздің кез-келген тұрғыны жүгіне алады. Балалардың бос уақытын өткізуге ойын алаңдары да қарастырылған. Сондай-ақ, медициналық пойыз мамандары бұрын-соңды  дертке щалдықпаған және денсаулығына байланысты ешқандай шағымдары болмаған тұрғындарды да диагностикадан өткізе алады. Көбінесе бұндай диагностикалар ауыр сырқат түрлерін анықтауға себеп болып жатады. Медициналық пойыз дәрігерлері шалғай аудандардың тұрғындарына өз денсаулығына жауапкершілікпен қарап, дер кезінде тексерістен өту керектігін және кез-келген аурудың алғашқы белгілеріне мән беру керектігін жиі ескертеді.

Кейбір аймақ тұрғындары үшін медициналық пойыз диагностикадан өтудің және емделудің бірден бір құралына айналды. Егенсу бекетінің тұрғыны  Чатырбаева Замзагүл Жұмабекқызы өзі тұратын аймақ өмірі үшін пойыздың қандай рөл атқаратыны туралы айтып берді: «Мен өзім 2014 жылдан бері жыл сайын «Денсаулық» медициналық пойызында тексеріліп, мамандарына қаралып тұрамын. Медициналық пойыз біз үшін үлкен қызмет атқарып жатыр. Жергілікті тұрғындар өте риза және алғыстары шексіз. Мұнда медицина мамандарының барлық қызметі тегін және бізге қалаға барып, ақылы тексерістен өтудің қажеті жоқ. Біздің ауылда тіпті дәріхана да жоқ.  Дәрігерге көріну үшін бізге көрші ауылға баруға тура келеді. Біз жылда осы пойызды тағатсыздана күтеміз» – деп өз ойымен бөлісті Замзагүл.

Әрі қарай медициналық пойыз Шығыс Қазақстан облысына жол тартты. Ол 6 маусымға дейін  облыстың 16 бекетін аралайтын болады. Кейін Павлодар және Солтүстік Қазақстан облыстарына аттанады. Солтүстік және Орталық Қазақстан облыстарының тұрғындарын медициналық тексерістен өткізіп болған соң, пойыз батыс және оңтүстік аймақтарға беттейді, және өз сапарын 21 желтоқсанда Алматы қаласында аяқтайды.

«Медициналық пойыз» жобасы өз жұмысын жалғастыруда. Медициналық бригада 21 бекетті аралай отырып Алматы облысының шалғайдағы аудан тұрғындарын тексерістен өткізді. Дәрігерлердің хабарлауы бойынша тұрғындар көп қаралған мамандар ол: кардиолог – 1135 адам көрінген, офтальмолог 1233 адамды қабылдаған, терапевт көмегіне 851 адам жүгінген. Ауру түрлерінің ішінде бірінші орында – жүрек-қантамыр аурулары, әрі қарай артериялық гипертензия, А гепатиті, В гепатиті, онкологиялық аурулар және балалар арасындағы қант диабеті. Сондай-ақ, коронарлық синдроммен үш пациент анықталған. Олар бұған дейін бұл сырқат туралы еш күдіктенбеген»,- деп атап өтті «Samruk-Kazyna Trust» корпоративтік коммуникациялар департаментінің директоры, ресми өкілі Іргебаев Мирас.

Естеріңізге салсақ, пойыз сапалы медициналық қызмет алуға мүмкіндігі жоқ шалғайдағы бекеттер мен ауыл тұрғындары үшін алғашқы медициналық-санитарлық және консультациялық-диагностикалық көмек көрсетеді. Жоба еліміздің шалғай елді мекендерінде тұратын барлық тұрғындарды тегін медициналық  көмекпен қамтамасыз етуге мүмкіндік береді. Пойыз неміс және жапон өндірісінің алдыңғы қатарлы фирмаларының заманауи диагностикалық құрал-жабдықтарымен жабдықталған. Аппаратуралар пациенттерге қажет болған жағдайда толық жалпы және биохимиялық талдаулар жасауға, ренгенография және флюрографиядан өткізуге, ішкі органдарға және қан тамырларына УДЗ-зерттеулер жүргізуге, электрокардиограмма, гастрофиброскопия жасауға және басқа да диагностикалық зерттеулер жүргізуге жол ашады.

«Медициналық пойыз» жобасы «Самұрық-Қазына» АҚ компаниялар тобының атынан «Samruk-Kazyna Trust» Әлеуметтік жобаларды дамыту қорымен ҚР Денсаулық сақтау министрлігінің қолдауымен жүзеге асырылады.

Пойыз кестесімен www.medpoezd.kz және www.sk-trust.kz/ru ресми сайттарында таныса аласыз. Қосымша ақпарат алу үшін келесі байланыс нөміріне хабарласуға болады: +7 701 222 39 90, E-mail: prmedpoezd@gmail.com

Алматы облысы

Бүгін Қазақстанның шалғай аудандарын тегін медициналық көмекпен қамтамасыз ететін медициналық пойыз өз жұмысын бастады. Жобаны «Самұрық-Қазына» ҰӘҚ» АҚ көмегімен «Samruk-Kazyna Trust» Әлеуметтік жобаларды дамыту қоры жүзеге асырады.

Биылғы жылы медициналық пойыз өз жұмысын Алматы қаласынан бастайды және Қазақстанның барлық аймақтарына барады. «Samruk-Kazyna Trust» Қорының Бас директоры Диас Әзбергенов пойыздың жұмыс кестесі және жобаның мерзімі жайлы атап өтті.

«Биылғы жылы біз баратын облыстардың санын арттырдық. Пойыз 14 облысты аралай отырып, 21 желтоқсанға дейін жолда болады. Медициналық пойыз кестесіне сәйкес бірінші болып Алматы облысының тұрғындарына тегін медициналық көмек көрсетіледі. Осы өңірден соң пойыз Шығыс Қазақстан, Солтүстік Қазақстан және Ақмола облыстарына бағыт алады. Бұдан әрі «Денсаулық» пойызының батыс өңірлерге алған бағыты оңтүстікке жалғасады да, Жамбыл облысында өз бағдарын аяқтайды. Жалпы алғанда пойыз 195 бекетті айналып өтеді, ал жалпы жүріп өту қашықтығы 19 000 км-ден асады», — Диас Әзбергенов атап өтті.

Медициналық пойыздар еліміздің шалғай елді мекендерінің және жақын ауылдардың тұрғындарына алғашқы медициналық-санитарлық және консультативтік-диагностикалық көмек көрсетеді. Аталмыш жоба еліміздің шалғайдағы барлық тұрғындарын тегін медициналық көмекпен қамтамасыз етеді.

Пойыз неміс және жапон өндірісіндегі жетекші фирмалардың заманауи диагностикалық жабдықтарымен жабдықталған. Жабдықтар келушілерге қажет болған жағдайда толық жалпы және биохимиялық анализдер, рентгенография және флюрографияны, ішкі ағзалар мен тамырларды УДЗ-зерттеулерін, электрокардиограмманы, гастрофиброскопияны және диагностикалық зерттеулердің басқа да түрлерін жүргізуге мүмкіндік береді. Пойыздардың жүру кестесін www.medpoezd.kz және www.sk-trust.kz/ru сайттарында бар.

Айта кеткен жөн, медициналық бригадалардың құрамында терапевттер, тіс дәрігерлері, окулистер, маммологтар және басқа да мамандар бар. Жоба жұмысы барысында кезекпен 10 медициналық бригада іске қосылды.

Естеріңізге сала кетейік, «Медициналық пойыздар» жобасын «Samruk-Kazyna Trust» әлеуметтік жобаларды дамыту қоры ҚР Денсаулық сақтау министрлігімен, сондай-ақ «Қазақстан темір жолы» жанындағы «Әлеуметтік жобалар қоры»-мен бірлесе 2010 жылдан бастап жүзеге асырды. Оның жұмысына еліміздің 9 аймағы — Алматы, Түркістан, Қарағанды, Павлодар, Атырау, Маңғыстау, Қостанай, Қызылорда және Шығыс Қазақстан облыстарын қамтитын «Денсаулық» және «Саламатты Қазақстан» екі Денсаулық пойызы тартылды.

Спикер, Әзбергенов Дияс Сержанұлы «Samruk-Kazyna Trust» КҚ Бас директоры:

Қайырлы күн, құрметті әріптестер!

Бүгін біз «Денсаулық» Медициналық пойызы жобасын іске қосамыз. Пойыз Қазақстанның шалғай бекеттерінің тұрғындарына тегін медициналық көмек көрсетеді.

«Samruk-Kazyna Trust» Қоры бұл жобаны Денсаулық сақтау министрлігінің қолдауымен «Самұрық-Қазына» компаниялар тобының атынан жүзеге асырады.

Медициналық пойыз жобасының жүзеге асырылуы біз үшін өте маңызды.

Өкінішке орай, Қазақстанның шалғай аудандарының тұрғындары сапалы, уақытылы және тегін медициналық көмекке қол жеткізе алмайды.

Пойыз тұрғындарға сапалы және жедел диагностика жасауға мүмкіндік беретін заманауи медициналық құралдармен жабдықталған. Жоба аясында әрбір адам медициналық көмек ала алады.

Пойыз бүгін Алматы қаласынан бастау алып, 21 желтоқсанға дейін жүретін болады. Биылғы жылы біз баратын облыстардың санын арттырдық, пойыз Қазақстанның барлық өңірлерінің 195 бекетін аралап шығады.

Медициналық пойыз кестесіне сәйкес бірінші болып Алматы облысының тұрғындарына тегін медициналық көмек

көрсетіледі. Осы өңірден соң пойыз Шығыс Қазақстан, Павлодар, Солтүстік Қазақстан және Ақмола облыстарына бағыт алады. Бұдан әрі Орталық Қазақстан бекеттерінің тұрғындарына қызмет көрсете отырып, пойызымыз батыс өңірлерге алған бағыты оңтүстікке жалғасады да, Жамбыл облысында өз бағдарын аяқтайды.

Жалпы жол жүріп өту қашықтығы он тоғыз мың километрден астам (19 093 км). Пойыз кестесі www.medpoezd.kz және www.sk-trust.kz/ru сайттарында қол жетімді.

Өткен жылдардың тәжірибесі негізінде жинақталған медициналық бригадалардың құрамында он бағыт бойынша мамандар жұмыс істейді: терапевт, тіс дәрігері, окулист, маммолог және басқа да мамандар. Жоба жұмысы барысында кезекпен 10 медициналық бригада жұмыс істейді.

Өткен жылы медициналық пойызбен 124 бекеттің 42 мыңнан астам (42 306) тұрғыны тексерілді.

Биылғы жылы біз медициналық көмекпен 60 мыңға жуық адамды қамтуды жоспарлап отырмыз.

Жобаның барлық аралық нәтижелері, мүмкін болатын бірегей жағдайлар туралы сіздерге хабарлап отыратын боламыз. Ал жылдың соңында аяқтау қорытындысы бойынша біз міндетті түрде баспасөз-конференциясын өткіземіз және барлық нәтижелер туралы айтатын боламыз!